Cregos da Baixa Limia

Onte venres, reunímonos un ano máis, como de costume, os sacerdotes nativos desta fermosa Baixa Limia, os sacerdotes que desempeñamos a nosa labor nestas terras, os que o fixeron antes ca nós, e os que por algún motivo se sintens vinculados especialmente a este Arciprestazgo de Bande.

O motivo é un motivo de encontro e convivencia fraterna humana e sacerdotal. Como cada ano celebramos xuntos a festa de Cristo Sumo e Eterno Sacerdote, que segue a ser referente fundamental e imprescindible para o noso sacerdocio.

Como é habitual celebramos a Eucaristía ofrecida polos sacerdotes defuntos. Hoxe lembramos os que foron curas en O Baño, D. Francisco; de Bande, D. José; de Entrimo, D. Manuel; e de Riocaldo e Dacón, D. José. Despois da Misa celebrada as 12.00 h. na Igrexa Parroquial de San Pedro de Bande compartimos xuntos o xantar.

Participamos sacerdotes chegados dende Ourense, Celanova, Verea, Viana, San Ciprián de Viñas, e do Ariciprestazgo de Bande.